తెలుగుదనం.కో.ఇన్ [telugudanam.co.in]

www.telugudanam.co.in చీరాల

పత్రికలలో తెలుగుదనం

మా అనుబంధ వెబ్‌సైట్..

సంస్కృతి, సంప్రదాయాలు

తెలుగుదనం బ్లాగు

సౌందర్య పోషణ

జుట్టుకు, తలకు

ధైమీ, జునీపర్‌, పాథెనాల్‌, రోజ్‌మేరీ... తదితర సుగుణాలతో రూపొందించిన ఫియామా డివిల్స్‌ షాంపూలు ఇప్పుడు మార్కెట్లో ఉన్నాయి. వీటిని ఐటిసి వారు విడుదల చేశారు. ఎవ్రిడే మైల్డ్‌, ఆక్వా బ్యాలెన్‌సు, వాల్యుమ్‌ బూస్టు పేర్లతో లభ్యమయ్యే ఈ షాంపూలు శిరోజాలను పట్టులా మృదువుగా ఉంచుతాయి. ఇవి దేశంలోని అన్ని ప్రధాన పట్టాణాల్లో అందుబాటులో ఉన్నాయి.
రెండు అరటి పండ్లను మెత్తని గుజ్జులా చేసుకోవాలి. రెండుటేబుల్‌స్పూన్ల తేనె కలపాలి. ఈ మశ్రమాన్ని జుట్టుకు పట్టించాలి. అరగంట తర్వాత తల స్నానం చేయాలి. ఇది పొడిబారిన జుట్టుకు చక్కని పరిష్కారం. జూట్టు పట్టులా మెరుస్తుంది.
వెంట్రుకలు తెల్లబడకుండా ఉండాలంటే ఉసిరికాయ రసం, నువ్వుల నూనె సమపాళ్ళలో కలిపి, కాచి తలకు రాసుకోవాలి.
ఒక కోడిగుడ్డులోని సొనను చిన్న గిన్నెలో వేసి బాగా చిలకరించి అందులో ఒక నిమ్మపండు రసం కలపండి. నాలుగు చెంచాల పెరుగును కూడా ఈ సొనకు కలిపి తలకు పట్టించి అరగంటసేపు వుండండి. ఆ తర్వాత షాంపూతో తలస్నానం చేస్తే మీ వెంట్రుకలు మృదువుగా, కాంతివంతంగా వుంటాయి.
కొబ్బరినూనెలో వెల్లుల్లిపాయలను ఉడికించి, వడకట్టి ప్రతిరోజూ తలకు రాస్తే తెల్ల వెంట్రుకలు నల్లగా మారుతాయి
ఉసిరి పొడిని ఇనప పాత్రలో రాత్రిపూట నానవేసి ఉదయాన్నే ఆ మిశ్రమాన్ని బ్రష్‌తో వెంట్రుకలకు పట్టించండి. అనంతరం తలకు షవర్ క్యాప్ పెట్టుకోవడం వల్ల మిశ్రమం ఒంటి మీద పడదు. గంట తర్వాత స్నానం చేస్తే సరి.
ఎండలో బయటకి వెళ్ళినపుడు సన్‌స్క్రీన్‌ని చర్మ సంరక్షణ కోసం వాడుతుంటారు. అలాగే ఎక్కువ సేపు ఎండలో తిరగాల్సి ఉన్నప్పు డు సన్‌స్క్రీన్ ఉన్న జుట్టు ఉత్పత్తులను వాడవచ్చు.
ఎక్కువగా జుట్టు రాలుతోందా ఒక ఉల్లిపాయను మెత్తగా పేస్టులా చేసుకోవాలి. దానికి చెంచాడు తేనె కలపాలి. తలకు పట్టించి గంట తర్వాత చల్లని నీటితో కడిగేయాలి.
ఒక కప్పు దంపుడు బియ్యానికి మూడు కప్పుల నీళ్లు పోసి ఉడికించాలి. అన్నం ఉడికిన తర్వాత బియ్యాన్ని విడిగా తీయగా వచ్చిన గంజిని చల్లారబెట్టాలి. ఈ గంజిని ఆరంగ ఆరంగా కనీసం మూడుసార్లు జుట్టుకు పట్టించాలి. తర్వాత చల్లని నీటితో శిరోజాలను శుభ్రపరుచుకోవాలి. ఇది జొన్న పీచులా పలుచగా ఉండే జుట్టును ఒత్తుగా చేస్తుంది.
ఒక టీ స్పూను నెయ్యి, టీ స్పూను చక్కెర, టీ స్పూను మిరియాల పొడి కలిపి మాడుకు అంటేలా తలకు మర్దనా చేసి ఒక పదినిమిషాల తరువాత తలస్నానము చేయాలి. ఇది చుండ్రును నివారించడమే కాకుండా జుట్టును మెరిపించడానికి తోడ్పడుతుంది.
ఒక్కోసారి తలంతా దురద పుడుతుంది. అలాగని ఊరికే గోకుతుంటే మాడు పుండు పడుతుంది తప్ప దురద మానదు. ఇందుకు బీట్ రూట్ రసం మంచి చికిత్స. అందుకు ఏం చేయాలంటే తాజా బీట్ రూట్‌ను చిన్న ముక్కలుగా చేసి మిక్సీలో చిక్కటి రసం తీయాలి. దీనిని నేరుగా తలకు పట్టించుకోవాలి. పావుగంట తర్వాత గోరువెచ్చని నీటితో తలస్నానం చేయండి. జుట్టు పట్టులా మెరుస్తుంది.
కొంతమంది జుట్టు జిడ్డుగా, నూనె కారుతూ ఉంటుంది. తలస్నానం చేసిన కొద్దిసేపటికే జుట్టు జిడ్డుగా తయారై రాలిపోతుంటుంది. ఇటువంటివారు ఒకవేళ కండీషనర్ వాడదలుచుకుంటే పెరుగును మాత్రం వాడుకోవాలి. కండీషనర్‌ను తలకు కాకుండా వెంట్రుకల కొసలకు ప్రయోగించాలి. స్నానానికి ఉపయోగించే నీళ్లకు కొద్దిగా నిమ్మరసాన్ని చేర్చితే జిడ్డు వదులుతుంది.
శీకాకాయ, పెసలు, ఉసిరి, కరివేపాకు, నిమ్మతొక్కలు, మెంతులు వీటిన్నిటిని గాలికి ఆరబెట్టి, ఎండిపోసిన తరువాత విడివిడిగా పొడిచేసుకొని ఒకటిగా కలిపి తలస్నానచూర్ణంగా వాడుకుంటే తలకు పట్టిన జిడ్డు వదిలిపోయి కేశాలు ప్రకాశవంతంగా తయారవుతాయి.
గాలి తగిలేలా మూడు రోజులు నిల్వ ఉంచిన పెరుగును తలకి మర్దన చేసి తలస్నానం చేస్తే చుండ్రు పోతుంది.
చిన్న గిన్నెలో నీళ్లు పోసి అందులో వాడేసిన టీపొడి కానీ కాఫీ పొడిని కాని వేయాలి. ఉసిరిపొడితో పాటు ఉల్లి తొక్కల్ని అందులో వేసి పదిహేను నిమిషాల పాటు మరిగించాలి. ఆ మిశ్రమాన్ని శిరోజాలకు పట్టించి మూడు గంటలు ఆగితే జుట్టుకు కావలసిన బలంతో పాటు మెరుపుని అందిస్తుంది.
జుట్టు ఆరోగ్యవంతంగా పెరగాలంటే మంచి పోషకాహరం తీసుకుంటూ ఉండాలి. ముఖ్యంగా పొడవాటి జుట్టుని ఇష్టపడేవారు, జుట్టు మరింత పొడవు అయితే బాగుండు అనుకునేవారు, ప్రొటీన్లు ఎక్కువ ఉన్న ఆహరం తీసుకోవాలి. పప్పు, మజ్జిగ, గుడ్లు, పప్పు ధాన్యాలు, చికెన్, పన్నీర్ ఇవన్నీ జుట్టు పెరిగేందుకు కావలసిన పోషకాలు అందిస్తాయి.
జుట్టుకి మంచి షాంపూ, కండీషనర్‌లు రాస్తూ శ్రద్ద తీసుకుంటున్నా చుండ్రు, జుట్టు ఊడిపోవటం మొదలైన సమస్యలు వెంటాడుతుంటాయి కొంతమందిని. వీరు గుర్తించాల్సింది ఏమిటంటే జుట్టు సంరక్షణ అంటే షాంపూ కండీషనర్ల వాడకమే కాదు. మంచి సమతులాహారం తీసుకోవాలి.
తడిగా ఉన్న జుట్టును దువ్వటం వల్ల జుట్టు పగిలిపోయి పీచులాగా తయారవుతుంది. దీనివల్ల జుట్టు కుదుళ్ళు కూడా దెబ్బతింటాయి. ఆరిన తరువాత చిక్కు తీసుకోవటం వల్ల సులువుగా వస్తుంది. జుట్టు ఆరోగ్యానికి ఎలాంటి చిక్కూరాదు.
తల స్నానానికి ముందు తలకు నూనె పెట్టుకుని, మృదువైన షాంపూ తో తలస్నానం చేయండి. జుట్టు పొడిబారటం తగ్గుతుంది.
తలకు గోరింటాకు పెట్టుకునే ముందుదానిలో కొద్దిగా బీట్ రూట్ రసాన్ని కలిపితే జుట్టుకు మంచి మెరుపుతో పాటు రాగిరంగు ఛాయ వస్తుంది.
నల్లటి మీ కురులు రంగు మారుతున్నట్లనిపిస్తే వెంటనే గుప్పెడు ఎండు ఉసిరి ముక్కల్ని కొబ్బరినూనెలో వేసి రెండు రోజుల పాటు నానపెట్టండి ఆ తర్వాత నూనె పైకి తేటగా తేరుతుంది. అప్పుడు చక్కగా ప్రతిరోజూ ఆ నూనెని తలకు పట్టించండి. మీ సమస్య తీరుతుంది.
నిమ్మకాయ చెక్కతో తల రుద్దుకొని వేడి నీళ్ళతో స్నానం చేస్తే చుండ్రు పోతుంది.
నీళ్ళలో కలిపిన ఆపిల్ జూస్ ను తరచూ తలకి రుద్దుకుంటే చుండ్రు పోతుంది.
పలుచని జుట్టు తరచూ రాలిపోయే జుట్టుతో బాధపడేవారు గోరువెచ్చటి ఆలివ్ లేదా బాదం నూనెతో మర్దన చేసుకుంటే సరి.
పారిజాతం గింజల్లోని పప్పును వేరు చేసి బాగా దంచి తలకు పట్టించాలి. పావు గంట తర్వాత కుంకుడు రసంతో తలస్నానం చేస్తే చుండ్రుతగ్గిపోతుంది.
పెరుగు తలకు మర్దనా చేసుకుని తలస్నానం చేస్తే జుట్టు బాగా పెరుగుతుంది. కళ్ళ మంటలు తగ్గి నిద్ర బాగా పడుతుంది.
పేలు మిమ్మల్ని చికాకు పెడుతున్నాయా వాటిని వదిలించుకోవడం చాల తేలిక. ఎలా అంటే ఉసిరి విత్తనాల్ని పొడి చేసి దాన్ని నిమ్మరసంలో కలపాలి. వెంట్రుకల మొదళ్లకు ఆ మిశ్రమాన్ని పట్టించి అరగంట తర్వాత స్నానం చేయండి. పేల బెడద మిమ్మల్ని వీడుతుంది.
పొడిబారిన కురులకు కొబ్బరినూనె, కొబ్బరిపాలు, పెరుగు తలా పావుకప్పు, ఒక గుడ్డులోని తెల్లసొన తీసుకుని, అన్నింటినీ బాగా కలపాలి. ఈ మిశ్రమాన్ని కుదుళ్ళకు ఇంకేలా పట్టించాలి. 20 నిమిషాల తర్వాత కడగేయాలి.
పొడిబారిపోయి కాంతిహీనంగా తయారైన జుట్టుతో బాధపడుతున్నట్లయితే, తాజా మెంతికూరను తీసికొని మెత్తగా రుబ్బుకోవాలి. దానికి చిక్కటిపెరుగు కలిపి తలకు పట్టించండి. అరగంట తర్వాత మంచి షాంపుతో తలస్నానం చేయండి. జుట్టు ఎంతో కోమలంగా తయారౌతుంది.
బలహీనంగా పల్చగా కనిపించే జుట్టు విషయంలో మరింత శ్రద్ద తప్పనిసరి. అందుకు బొప్పాయి, అరటిపండు ముక్కలు ఒక్కోకప్పు చొప్పున అరకప్పు యాపిల్ ముక్కలు తీసుకోవాలి. వీటన్నిటిని మిక్సీలో వేసి కొద్దిగా నీళ్ళుపోసి మెత్తగా రుబ్బాలి. ఈ గుజ్జును బాగా వడకట్టాలి. అలా వడకట్టగా వచ్చిన రసాన్ని తలంతా పట్టించండి. తర్వాత వెచ్చని నీటితో తలస్నానం చేయాలి.
బి కాంప్లెక్స్‌లో బయోటిన్, ఫోలిక్ యాసిడ్, సమృద్దిగా ఉంటాయి. ఇక బి6 జుట్టు పెరుగుదలకు ఎంతో ఉపయోగపడుతుంది. మెగ్నీషియం, జింక్, సల్ఫర్‌లు జుట్టు ఎదుగుదలకు తోడ్పడుతాయి.
మీ జీవనశైలికూడా జుట్టుమీద ప్రభావం చూపుతుంది. శరీరానికి వ్యాయామాన్ని ఇచ్చేలా ఉండాలి. ఒక వేళ జుట్టు విపరీతంగా ఊడుతుంటే వాటి కుదుళ్ళను బలోపేతం చేసే ట్రీట్‌మెంట్‌ని బ్యూటీపార్లర్‌లో చేయించుకోవాలి.
మెంతికూర ఆకుల్ని మెత్తగా నూరి దానిని తలకు పట్టిస్తుంటే జుట్టు బాగా పెరుగుతుంది. నల్లటి రంగు నిలబడుతుంది.
రెండు టీ స్పూన్‌ల కుంకుడుకాయ పొడిని రెండు స్పూన్‌ల ఉసిరి పొడిని మరో రెండు స్పూన్‌ల తేనెతో కలిపి ఆ పేస్ట్‌ని తల మొత్తానికి పట్టించాలి. అరగంట తర్వాత మైల్డ్ షాంపుతో స్నానం చేయండి. తేడా మీకే తెలుస్తుంది.
వారానికి ఒకసారి తలకు పుదీనా పేస్ట్ రాసుకుని ఇరవై నిముషాల పాటు ఉంచుకుని కడిగేస్తే చుండ్రు పోతుంది.
వెంట్రుకలు ఊడకుండా ఉండడానికి మెంతులను నీళ్ళతో సహా మెత్తగా రుబ్బి తలకు పట్టించి 40 నిమిషాల తరువాత కడిగేయాలి. దీనిని ప్రతిరోజు ఉదయం చేస్తే మంచిది. కనీసం మండలం (40 రోజులు) పాటు కొనసాగిస్తే చక్కని ప్రయోజనం కనిపిస్తుంది.
సీకాయ పొడిలో కాస్త మజ్జిగ కలిపి తలంటుకుంటే జుట్టుకు మంచిది.
స్నానం చేసే నీటిలో కొద్దిగా నిమ్మరసాన్ని చేర్చితే జుట్టుకున్న జిడ్డు వదులుతుంది.

శిరోజాలకు తిండి పెడుతున్నారా!

కేశ సౌదర్యం ద్విగిణీకృతం కావాలంటే పౌష్టికాహారం తీసుకోవాలని తెలుసు. అయితే ఎటువంటి ఆహారం తీసుకోవాలన్నదే చాలామందిలో తలెత్తే సందేహం. మీదీ ఇదే అభిప్రాయమైతే ఇది చదవండి. ఒక్కమాట... ఈ అహార ప్రణాళిక రూపొందించుకునే ముందు మీకు రక్తహీనత, ధైరాయిడ్‌, చుండ్రు సమస్యలు ఉన్నయేమో పరీక్ష చేయించుకోవడం మేలు.

తాజా ఆకుకూరలు, కూరగాయలు రోజూ తప్పనిసరిగా తీసుకోవాలనేది పాత విషయమే అయినా కూడా ఇక నుంచి నిర్లక్ష్యం చేయకండి. వీటివల్లే అవసరమైన ఖనిజాలు, విటమిన్లు ఇతర పోషకాలు సమృద్ధిగా అందుతాయి. అంతే కాదు విటమిన్‌ బి2, సి, జింక్‌ ఆధారిత ఆహారపదార్ధాలూ ఉండేలా చేసుకోండి.
రక్తహీనత వల్ల కూడా జుట్టు రాలుతుంది. జుట్టు రాలకుండా ఉండాలంటే ఇనుము సమృద్దిగా లభించే ఆహారం తప్పనిసరి. మాంసం, గుడ్డు, కీమా, తాజా ఆకుకూరలు, రాగులు, జొన్నలు, సజ్జలు, ఓట్స్‌, గోధుమలు, ఫిగ్స్‌, ఆప్రికాట్‌ తదితరాల ద్వారా ఇనుము పుష్కలంగా అందుతుంది.
అన్ని రకాల నిమ్మజాతి పండ్ల ద్వారా విటమిన్‌ 'సి' సమృద్ధిగా లభిస్తుంది. ఇనుము ఆధారిత ఆహారపదార్ధాలు తీసుకుంటున్న శాకాహారులు మాత్రం వాటితోపాటు విటమిన్‌ 'సి' ఉండే వస్తువులూ తప్పనిసరిగా తీసుకోవాలి.
మాంసకృత్తులు: శరీరమే కాదు జుట్టుకు సంబంధించి కొత్త కణాలు ఉత్పత్తి కావాలంటే అమినోయాసిడ్లతో తయారైన మాంసకృత్తులు తీసుకోవాలి. ప్రధానంగా సిస్టైన్‌, సిస్టీన్‌, మెధియోనైన్‌, ఆర్జినైన్‌, లిసైన్‌ అనే ఐదు అమినోయాసిడ్లు జుట్టు ఎదుగుదలకు దోహదపడతాయి. మాంసాహారం, చేపలు, గుడ్లు, పాల ఉత్పత్తులు, సోయా, నట్స్‌, అన్నిరకాల ధాన్యాలు, గింజల ద్వారా మాంసకృత్తులు అందుతాయి.
బయోటిన్‌: జుట్టు రాలడమే కాదు, తెల్ల వెంట్రుకలను నివారించే కెరోటిన్‌ను ఉత్పత్తి చేస్తుంది ఈ బయోటిన్‌. అన్నిరకాల ధాన్యాలు, పచ్చసొన, కాలేయం, దంపుడు బియ్యం, పాలు తీసుకోవాలి.
క్రోమియం: జూట్టు రాలడానికి కారణమైన హైపర్‌ గ్లేసిమియా, హైపోగ్లేసిమియాను నివారిస్తుందిది. ఉల్లి, టమాటాలు, బంగాళదుంప, బీన్స్, అరటి పండ్లు, ఆపిల్‌లో అధికంగా లభిస్తుంది.
కాపర్‌: తెల్ల వెంట్రుకలు రాకుండా జూట్టు రాలకుండా కాపర్‌ కాపాడుతుంది. ఇది చేపలు, తాజా ఆకుకూరలు, తృణ ధాన్యాలు, గుడ్లు, మాంసం, బీన్స్‌లలో పుష్కలంగా లభిస్తుంది.
అయోడిన్‌: పొడిబారిన జుట్టు సమస్యను అదుపులో ఉంచి, జుట్టు రాలకుండా చేస్తుంది. అయోడిన్‌, అయోడైజ్డ్‌ ఉప్పు, వెల్లుల్లి, సివీడ్‌ తదిరాల్లో అయోడిన్‌ ఉంటుంది.

శిరోజాల విషయంలో ఇవే అసలు నిజాలు

శిరోజాల విషయంలో కొందరికి కొన్ని అపోహలుంటాయి. మచ్చుకు కొన్ని అపోహలు, అసలు నిజాలు చూద్దాం.

తరచూ వెంట్రుకల్ని ట్రిమ్‌ చేస్తే బాగా పెరుగుతాయి.

ఇది తప్పు. ఆరోగ్యంగా ఉండే వ్యక్తుల్లో నెలకు అరంగుళం చొప్పున శిరోజాలు పెరుగుతాయి. హార్మోన్లు తీసుకునే ఆహారాన్ని బట్టి కూడా పెరుగుదల తీరు ఉంటుంది. తరచూ ట్రిమ్‌ చేస్తుండటం వల్ల చిట్లిన వెంట్రుక కొసలు ఉండవు. అందంగా కనిపిస్తాయి అంతే.

తెల్లవెంట్రుక ఒక్కటి తీసేస్తే అక్కడ రెండు పెరుగుతాయి.

వెంట్రుక మూలాలు ఎన్ని ఉంటే అన్నే వెంట్రుకలు వస్తాయి. అంతే కానీ ఒక్క తెల్ల వెంట్రుక తీసేస్తే ఆ స్ధానంలో రెండు తెల్ల వెంట్రుకలు పెరుగుతాయనుకోవడం అపోహ మాత్రమే. శిరోజాన్ని బలంగా లాగడం వల్ల మూలాలు బలహీనంగా తయారవుతాయి. దాంతో తలకట్టు పలుచగా అవుతుంది.

మందుల వాడకతోం చిట్లిన శిరోజాల చివర్లను బాగు చేయవచ్చు.

చిట్లిపోయిన జుట్టు చివర్లను కలపడం ఏ మందుల వల్లా సాధ్యం కాదు. ఆ మేరకు కత్తిరిమడం మినహా మరే మార్గం లేదు.

బద్దకించకండి!

శిరోజాల ఆరోగ్యాన్ని కాపాడుకోవడానికి ఎన్నో జాగ్రత్తలు తీసుకుంటాం. కానీ దువ్వెనల విషయంలో మాత్రం ఎక్కడలేని నిర్లక్ష్యాన్ని ప్రదర్శిస్తాం. జిడ్డు, మురికి చేరి శిరోజాలను బలహీనం చేస్తాయవి. అందుకే తల దువ్వుకునే బ్రష్‌లు దువ్వెనలు శుభ్రపరచడంలో బద్ధకించకండి.

కనీసం పదిహేను రోజులకి ఒక సారయినా దువ్వెనలు, బ్రష్‌లు శుభ్రపరుచుకోవాలి.
దువ్వుకోగానే వెంట్రుకలు అలాగే ఉంచి వదిలేయకండి. వాటిని తొలిగించి టిష్యూతో తుడిచేస్తే మురికి తొలగిపోతుంది.
పాత టూత్‌బ్రష్‌తో దువ్వెన బ్రిసిల్స్‌లో మురికిని తొలిగించండి. తర్వాత గోరురువెచ్చని నీటిలో కొద్దిగా షాంపు వేసి దువ్వెన నాన బెట్టండి. చివరగా బ్రష్‌తో రుద్ది కడిగేయండి.
దువ్వెన, హెయిర్‌బ్రష్‌ల బ్రిసిల్స్‌ పెళుసుబారినట్లు అనిపిస్తే వాడకం ఆపేయాలి, లేదంటే వెంట్రుకలు పాడైపోతాయి. దువ్వెనలను అధిక వేడి ఉన్న హెయిర్‌ డ్రయర్‌ సమీపాన ఉంచకండి, వేడికి దువ్వెన పళ్లు దెబ్బతింటాయి.