వంటలు (కొన్ని)

కాకరకాయ కూర

కావలసిన వస్తువులు:

తయారు చేసే విధానం :

కాకరకాయ గర్భాన కాస్త లోతుగానూ, విడిగానూ గాట్లు పెట్టి వుడికించి వార్చి వుంచాలి. ఒట్టిమూకుట్లో మినపప్పూ, శనగప్ప్పూ, ఎండుమిర్చి వేయించి సరిపడా ఉప్పు, కారం కొట్టాలి. కూర్చిన కాకరకాయల్లో నీరులేకుండా చేసి, ఆ గాట్లలో ఈ కారం కూర్చాలి. కారం రాలిపోకుండా కాయలకి దారాలు కట్టుకోవాలి. నూనె కాచి, ఈ కారం కూర్చిన కాయల్ని అందులో వేసి వేయించి తీసుకోవాలి. తినేటప్పుడు కట్టిన దారాల్ని తీసివేయాలి.

బీరకాయ కూర

కావలసిన వస్తువులు:

తయారు చేసే విధానం :

బీరకాయలమీద చెక్కును తీసేసి కాయని ముక్కలుగా తరిగి ఉప్పురాసి పెట్టాలి. నూనెకాచి పోపుగింజలు వేయించి, ఎండుమిర్చీ తుంపి ముక్కలు వేసి బీరకాయముక్కల్ని పోపులో వెయ్యాలి. మూతపెట్టి మగ్గనిచ్చి దింపుకోవాలి.

చిక్కుడు వేపుడు

కావలసిన వస్తువులు:

తయారు చేసే విధానం :

చిక్కుళ్ళు వుడకేసి, ఒక పొంగురాగానే దింపి వార్చేయాలి. నూనె మరిగించి, వార్చి ఉంచిన చిక్కుళ్ళు, ఎండుమిర్చీ, కర్వేపాకు, ఉప్పూ వేసి బాగా వేయించి, లవంగాపొడి చల్లి బాగా కలియబెట్టి దింపుకోవాలి.

వెనుకకు | మొదటి పేజీ | ఆఖరి సారి మెరుగు పరిచిన తేది: 25-03-2009 | హక్కులు: తెలుగుదనం.కో.ఇన్  | రూపకర్త: గీతా.కో.ఇన్ | ప్రశ్నలు, సలహాలు, సూచనలకు: editor@telugudanam.co.in