తెలుగుదనం.కో.ఇన్ [telugudanam.co.in]

www.telugudanam.co.in చీరాల

పత్రికలలో తెలుగుదనం

మా అనుబంధ వెబ్‌సైట్..

సంస్కృతి, సంప్రదాయాలు

తెలుగుదనం బ్లాగు

డబ్బు

'ధనమేరా అన్నిటికి మూలం' అని మన పెద్దవాళ్ళు అంటూ ఉంటారు. అన్నిటికి కాక పోయిన మన జీవితం చాలా వరకు డబ్బు మీదే ఆధార పడి ఉన్నది. మనం డబ్బు చాలా సంపాదిస్తున్నాము. మనం ఎంత సంపాదించిన ఒక్క రూపాయి అయినా వెనుకేసుకోవాలి అని పెద్దలు అంటారు. వెనుకేసుకోవటం అంటే వాటిని దాచిపెట్టుకోవటం అన్నమాట. కాని వాటిని పొదుపు చేసుకోవటం తెలియక అంతా వ్యర్ధం చేసుకుంటున్నారా ? డబ్బును మనం చాలా రూపాలలో దాచి పెట్టు కోవచ్చు అందులో ముఖ్యమైనవి.

బ్యాంక్
పోస్టాఫీసు
ఇన్సూరెన్సు

బ్యాంక్

బ్యాంకులలో మనం డబ్బు దాచి పెట్టుకోవటానికి రెండు విధానాలు ఉంటాయి

సేవింగ్ అకౌంట్
కరెంట్ అకౌంట్

కరెంట్ అకౌంట్ ఇది ఎక్కువగా వ్యాపారస్తులు ఉపయోగిస్తుంటారు అంటే ఎప్పటికప్పుడు డబ్బువేస్తూ ఉంటారు అవసరమైనప్పుడు తీసుకుంటూ ఉంటారు.

బ్యాంకులలో మనం డబ్బు దాచి పెట్టుకోవటానికి సేవింగ్ అకౌంట్ అనేది ఉపయోగపడుతుంది. అది ఉంటే మనము ఆ బ్యాంకులో డబ్బు దాచి పెట్టుకోవచ్చు. ఈ అకౌంటు మనము మొదలు పెట్టాలి అంటే మనకు కావలసినవి

రేషన్ కార్డ్ లేక ఓటర్ గుర్తింపు కార్డ్.
మీరు ఉంటున్న ఇంటి అడ్రస్ నిర్ధారణ పత్రం.
పాస్ పోర్ట్ ఫోటోలు.
మీరు ఏ బ్యాంకులో అకౌంట్ మొదలు పెట్టాలని అనుకుంటున్నారో ఆ బ్యాంకులో మీకంటే ముందుగా అకౌంట్ ఉన్నవారి సంతకం కావాలి.

అలానే మనం కొంత డబ్బును డిపాజిట్ చేయాలి అంటే -

డిపాజిట్ అంటే మనము కొంత డబ్బును కొన్ని రోజులు లేక కొన్ని నెలల పాటు దాచి ఉంచాలి అని అనుకుంటే వాటిని బ్యాంకులో దాచుకోవటాన్ని డిపాజిట్ అంటారు. అక్కడ మన డబ్బు సురక్షితంగా ఉంటుంది పైగా ఎక్కువ రోజులైతే వడ్డీ కూడా వస్తుంది. ఇలా దాచుకోవాలి అంటే మనకు ఆ బ్యాంకులో అకౌంట్ కచ్చితంగా ఉండాలి.

బ్యాంకుల వలన మనము డబ్బు దాచిపెట్టుకునే ఉపయోగాలే కాకుండా మనం బ్యాంకుల నుండి రుణాలను పొందే అవకాశం కూడా ఉంది. రుణం అంటే అప్పు అని అర్థం. మనకు తక్కువ వడ్డీకి అప్పు ఇచ్చి వాయిదాల పద్దతిలో వారు ఇచ్చిన గడువు లోపల సకాలంలో తీర్చేలా మనకు సహకరిస్తున్నాయి. ఇందులో రెండు రకాల రుణాలు ఉంటాయి

కార్పోరేట్ రుణాలు

సంస్థలకిచ్చే రుణాలను వాటిని కార్పోరేట్ రుణాలు అంటారు.

రిటైల్ రుణాలు

వ్యక్తుల కిచ్చే వాటిని రిటైల్ రుణాలు అంటారు. అవి ప్రధానంగా ఐదు రకాలుంటాయి.

గృహ రుణాలు
విద్యా రుణాలు
వాహన రుణాలు
వినియోగ రుణాలు
వ్యక్తిగత రుణాలు (క్లీన్ లోన్స్)

ఇల్లు కట్టు కోవడానికి, ఇల్లు కొనుక్కోవడానికి, ఇల్లును అధునీకరించుకోవడానికి ఇచ్చేవి గృహ రుణాలు కాగా, ఉన్నత విద్యా భ్యాసం కోసం విద్యా రుణాలు, వాహనాలు కొనుగోలుకు వాహన రుణాలు, టి.వి., రిఫ్రిజిరేటర్, వాషింగ్ మెషిన్ తదితర గృహొపకరణాల కొనుగోలుకు వినియోగ రుణాల్ని బ్యాంకులు, హౌసింగ్ ఫైనాన్స్ కంపెనీలు ఇస్తుంటాయి. ఇటీవల బాగా ప్రాచుర్యం పొందినవి వ్యక్తిగత రుణాలు. మీరు ఏ ఇతర ఖర్చు కోసమైనా కారణం చెప్పకుండా, నేరుగా క్లీన్ లోన్‌గా తీసుకోవచ్చు. ఇవి కాకుండా బంగారం తనఖా చేయడం ద్వారా గోల్డ్ లోన్, ఇతర ఆస్తుల్ని తనఖా చెయడం ద్వారా మార్ట్‌గేజ్ లోన్ పొందవచ్చు.

రుణం ఎలా ఇస్తారు?

ఇల్లు కొనుగోలు లేదా నిర్మాణం లేదా మరమ్మతు కోసమైతే ఆ స్థలం లేదా ఇల్లు విలువను అనుభవజ్ఞుడైన ఇంజనీరు ద్వారా బ్యాంకు తెలుసుకుంటుంది.
ఇల్లు/స్థలం డాక్యుమెంట్లు సక్రమంగా ఉన్నయో లేదో అడ్వకేటు ద్వారా ధ్రువపర్చుకుంటుంది. ఒక్కో సందర్భంలో బ్యాంకు అధికారులు స్వయంగా పరిశీలిస్తారు. అటు తరవాత కోరుకున్న కాల పరిమితి, గరిష్టంగా 15 సంవత్సరాల్లో చెల్లించేలా రుణం ఇస్తారు.
గృహ నిర్మాణం పూర్తయిన తర్వాత లేదా రుణం పంపిణీ జరిగిన తేది నుంచి 18 నెలలకు మొదటి వాయుదా చెల్లింపును ప్రారంభించాల్సి ఉంటుంది.
కొన్ని సంస్థలు ఇంటిపై రాబోయే అద్దెలో 50% దరఖాస్తుదారు ఆదాయానికి కలిపి, ఎంత రుణం ఇవ్వాలో నిర్ణయిస్తారు.

ఎడ్యుకేషన్ లోన్ అయితే దేశంలోనూ, విదేశాల్లోనూ ఉన్నత విద్యాభ్యాసం కోసం రుణం లభిస్తుంది. చదవబోయే కోర్సు, గుర్తింపు ఉన్న విద్యా సంస్థ/యూనివర్సిటీ నుంచి అడ్మిషన్ ప్రూఫ్, గ్యారంటీ, గత విద్యార్హతలు చూసి రుణం ఇస్తారు. కోర్సు సమయం పూర్తయ్యి మరో సంవత్సరం గడిచిన తర్వాత లేదా ఉద్యోగం లభించిన 6 నెలలకు ఏదిముందైతే అప్పటినుంచి వాయిదాలు చెల్లించాల్సి ఉంటుంది. ఐదేళ్ళలోపు ఈ రుణ చెల్లింపును పూర్తిచేయాల్సి ఉంటుంది.
వాహన, వినియోగ రుణాలు ఆ వస్తువు లేదా వాహనం ఖరీదును అనుసరించి అంత మేరకు లేదా మీ ఆదాయాన్ని పరిగణనలోకి తీసుకుని రుణం ఇస్తారు.
క్లీన్ లోన్ విషయంలో నెలసరి స్థూల జీతానికి 10 రెట్లు రుణంగా లభిస్తుంది. ఈ మధ్య కొన్ని బ్యాంకులు దీని 6 రెట్లకు కుదించాయి. ఈ చివరి మూడు రకాల రుణాల్ని 12 నెలల 60 నెలలలోపు వాయుదాలుగా చెల్లించాల్సి ఉంటుంది.

రుణాల మంజూరులో బ్యాంకరు విచక్షణ

గృహ రుణానికైతే గృహ పత్రాల్నే బ్యాంకు లేదా హౌసింగ్ ఫైనాన్స్ కంపెనీ సెక్యూరిటీగా ఉంచుకుంటుంది.
రూ. 4 లక్షల వరకూ విద్యా రుణానికి చదివే కోర్సు లేదా రాబోయే ఉద్యోగం సెక్యూరిటీ.
వాహన, వినియోగ రుణాలకు వాహనం లేదా వస్తువు సెక్యూరిటీ.
క్లీన్‌ లోన్‌కు మీరు చెస్తున్న ఉద్యోగం లేదా వ్యాపకాన్ని బ్యాంకరు తన విచక్షణాధికారంతో సెక్యూరిటీగా భావిస్తాడు.